Ընթերցողի ուշադրությանն է ներկայացվում հազվագյուտ մի լուսանկարչական ալբոմ, որը պարունակում է եզակի դրվագներ Մեծ եղեռնից մազապուրծ հայ և այլազգի քրիստոնյա որբերի պատկերներով: Դրանք արվել են Խորհրդային Հայաստանի, Մերձավոր Արևելքի և Հունաստանի տարածքում 1920-ականներին գործող ամերիկյան որբանոցներում: Տասնյակ այսպիսի հաստատություններ էին բացվել Միացյալ նահանգներից հազարավոր մղոն հեռավորության վրա գտնվող տարածաշրջաններում, որոնք գտնվում էին Ամերիկյան մերձավորարևելյան նպաստամատույց կոմիտեի հոգածության ներքո: