«Լեւ Տոլստոյ. Ազատ մարդը» գրքի լույսընծայումից առաջ Պավել Բասինսկին հրատարակել է եւս երեքը ռուս մեծ գրողի մասին, որոնցից մեկը` «Լեւ Տոլստոյ․ փախուստ դրախտից», թարգմանաբար տպագրվել է մեր մատենաշարով/2016/: Տոլստոյական յուրահատուկ քառերգության այս վերջին գրքում հեղինակը «վերծանում» է բուն Տոլստոյ մարդուն` հայտնաբերելով, որ նրա կյանքն ամբողջովին մի կատարյալ ստեղծագործություն է. գրողի կյանքն ու մահը, հարաբերությունները մոտ ու հեռու տարբեր մարդկանց հետ, իրոք, նույնպիսի մեծ ստեղծագործություն են, ինչպես և նրա գրչի արգասիքը: Փաստական հարուստ նյութի հիման վրա գրված սույն վավերագրական վեպը հայ ընթերցողներին լավագույն հնարավորություն է տալիս` խորությամբ ծանոթանալու աշխարհահռչակ գրողի կյանքի անկրկնելի էջերին: