«Խելացի ընթերցարան»-ը կօգնի սովորողին զարգացնել ընթերցողական կարողությունները՝ վարժ և հասկանալով կարդալ, ինքնուրույն վեր հանել ստեղծագործության գաղափարը, ստեղծագործաբար բնութագրել հերոսներին, պատասխանել ստեղծագործության վերջում տրված հարցերին և առաջադրանքներին, սովորել նորածանոթ բառերի բացատրությունները և դրանք գործածել խոսքում:

Ընթերցարանը թեմատիկ խմբերի առումով առնչվում է «Մայրենի 5» դասագրքին: Գրքում զետեղված են սովորողի տարիքին և նախասիրություններին համապատասխան հեքիաթներ, զրույցներ ու առակներ, պատմվածքներ, բանաստեղծություններ՝ քաղված հայ և համաշխարհային գրականությունից: Այս ընթերցարանը կօգնի նաև ընթերցանության օլիմպիադային նախապատրաստվելուն:

Մաղթում ենք հաճելի ընթերցում, սիրելի՛ բարեկամ