Վեպը գրվել է 1956 թ.: Սյուժեն մի առանձնահատկություն ունի. ընթերցողին հենց սկզբից ցույց է տրվում, որ ոճրագործը տղամարդ է, որը գնացքում խեղդամահ է անում մի կնոջ: Այսպիսի դիպաշարը ստիպում է հեղինակին կերտել արտաքնապես իրար նման մի շարք տղամարդկանց կերպարներ: Վեպը Ագաթա Քրիստիի այն գործերից է, որոնցում առկա է կասկածյալների սահմանափակ շրջանակ, իսկ դեպքերը կատարվում են տիպիկ անգլիական բնակավայրում:

Դետեկտիվի թագուհու՝ Ագաթա Քրիստիի՝ գրքին գամող առեղծվածային պատմությունները տասնամյակներ շարունակ «հանգիստ չեն տվել» միլիոնավոր ընթերցողների: Նրա գրքերը տպագրվել են ավելի քան 2 միլիարդ օրինակով, թարգմանվել են աշխարհի շուրջ 100 լեզուներով՝ առաջ անցնելով Ժյուլ Վեռնի և Ուիլյամ Շեքսպիրի հրատարակություններից: Ագաթա Քրիստին գրանցված է Գինեսի ռեկորդների գրքում՝ որպես բոլոր ժամանակների ամենավաճառված գրքերի հեղինակ: Համաշխարհային գրականության ամենախորհրդավոր դետեկտիվ պատմություններն ու կերպարները կերտած բրիտանացի գրողն իր ժանրում նմանը չունեցող ժառանգություն է թողել աշխարհին: