Առաջին մեծածավալ գիտաֆանտաստիկ ստեղծագործությունը, որի գլխավոր հերոսը ճամփորդում է ժամանակի միջով:

«Ժամանակի մեքենան» Հերբերտ Ուելսի առաջին գիտաֆանտաստիկ վեպն է՝ լույս տեսած 1895 թվականին: Այն մինչև օրս համարվում է ժանրի կարևորագույն ստեղծագործություններից մեկը: Վեպը մի յուրահատուկ գիտնականի մասին է, որը իր ստեղծած ժամանակի մեքենայով ուղևորվում է ապագա՝ ութ հարյուր երկու հազար յոթ հարյուր մեկ թվական՝ գտնելու մի աշխարհ, որ միանգամայն տարբերվում է իր պատկերացրածից:

Գիրքը լույս է տեսել «Ֆանտաստիկ» մատենաշարով։ Այս մատենաշարի նախորդ գիրքը նույն հեղինակի «Աշխարհների պատերազմը» վեպն է։ «Ժամանակի մեքենան» առաջին մեծածավալ ստեղծագործությունն է, որի գլխավոր հերոսը ճամփորդում է ժամանակի միջով։ Իսկ նախորդ գիրքը` «Աշխարհների պատերազմը» առաջին գիրքն է, որտեղ ներկայացվում է այլմոլորակայինների ներխուժումը Երկիր մոլորակ։ Հերբերտ Ուելսը համարվում է գիտաֆանտաստիկ ժանրի հիմնադիրը։ Մյուս գիրքը, որ նույն մատենաշարով լույս կտեսնի հետագայում, նույն հեղինակի «Անտեսանելի մարդը» ստեղծագործությունն է։