Հովիկ Վարդումյանի սույն գիրքը երկու տարի շարունակվող բարդ ու փութաջան աշխատանքի արդյունք է: Հեղինակը մանրակրկիտ ուսումնասիրել է Շուշիին նվիրված հարուստ գրկանությունն ու ազատագրման պատմական հիշարժան ժամանակաշրջանը, հանդիպումներ է ունեցել մարտական գործողություններին մասնակցած մի շարք հրամանատարների ու մարտիկների հետ:

Գրքի առաջաբանում հեղինակը ցավով խոստովանում է, որ իր ուսումնասիրությունների ընթացքում շատ է հանդիպել վիճելի, կողմնակալ և հակասական փաստերի, որոնք տպագրվել են գրքերում և մամուլում, ինչպես նաև արտահայտվել են իրադարձությունների կիզակետում եղած անձանց վկայություններում: Սակայն հեղինակը ջանք չի խնայել իր գրքում նկարագրված փաստերը համադրելու միջոցով պատմությունը ճշմարտացիորեն ներկայացնելու համար: